Шуко шонаш

Шуко шонаш много (долго) думать;

илыш нерген шонаш размышлять о жизни.

Но Виталий шке ончыклыкшо нерген шагал шонен. В. Иванов. Но Виталий мало думал о своём будущем.

Погынымаш деч вара Степан мӧҥгӧ толешат, кушеч тӱҥалшашым шонаш пижеш. А. Эрыкан. После собрания Степан приходит домой и принимается думать с чего начинать.

Качым йӧратыше ӱдыр, мыйын шонымаште, тыгай ойым колаш шонен огыл. В. Чалай. По-моему, девушка, любящая парня, не предполагала услышать такие слова.

Опак саде паша тышке савырнышашыжым шонен огыл улмаш. Я. Ялкайн. Опак не предполагал, что это дело так обернётся.

Сакарым эргылыкеш пурташ шонышым, тудымат стражник-влак эпере кучен каеныт. С. Чавайн. Я намеревался усыновить Сакара, и его стражники напрасно арестовали.

Машина дене каяш шоныманат огыл. «Ончыко» Нечего и думать ехать на машине.

– Эргычым тӧра семын вел ашнет, мом йодеш, тудым пукшет, мыняр шона, тунар малтет. Г. Чемеков. – Ты своего сына лелеешь, как господина, что просит, тем кормишь, сколько хочет, столько позволяшь спать.

– Тений ме миллионер лияш шонена. Тидлан чыла условийна уло. В. Иванов. – Нынче мы хотим стать миллионерами. Для этого у нас имеются все условия.

– Чеверын изи мӱкш-влакем. Мыят тендан гай мӱкшла илыше еҥ-влак деке каяш шоненам ыле да, ынде уке: ик еҥ велеш шӱмем пиже. С. Чавайн. – Прощайте, мои пчёлки. И я мечтала отправиться к людям, живущим как пчёлы, но теперь нет: сердце моё влечёт к одному человеку.

– Чыланат шонеда: кузерак содор кушкын шуаш да кугу айдеме лияш. М. Шкетан. Вы все мечтаете: как бы скорее вырасти и стать великим человеком.

Шке нерген гына шонаш думать только о себе.

Старшина йӱдшӧ-кечыже нуным утарышаш нерген шона. В. Иванов. Старшина днём и ночью думает об их освобождении.

Школышто Иван, туныктышо-влакын мутыштым пеле колыштын, эре ачаже нерген шона. А. Эрыкан. В школе Иван, слушая учителей в полуха, всё беспокоится об отце.

Ожно Изарка марий-влак Озаҥысе балаганым театр манын шонат ыле. С. Чавайн. Раньше жители деревни Изарка Казанский балаган считали театром.

Лу минутым тыйым шонем, лучко минут шинчем гын. МДЭ. Десять минут думаю о тебе, если посижу пятнадцать минут.

Роза музыкым йӧраташ, Москва нерген шонаш тӱҥалын. А. Ягельдин. Роза стала любить музыку, думать о Москве.

Тек мемнан коммун ӱмбак осалым ынышт шоно. В. Юксерн. Чтобы не думали плохо о нашей коммуне.

Шолткыкта телетайп йӱдшӧ-кече. Мландынан, шонет, шӱмжӧ кыра. А. Селин. Стучит день и ночь телетайп. Будто бьётся сердце планеты.

(Пеледыш-влакым) кидышкет кучен ончет гын, вигак парняшкет пижыт, клейым шӱрымӧ, шонет. В. Сапаев. Как только возьмёшь в руки эти цветы, сразу прилипают к пальцам, словно клеем намазаны.

Составные глаголы:

Туштым тушташ загадать загадку;

туштым шонен муаш придумать загадку.

Марий калыкынат тӱрлӧ мыскара йомакше, легендыже, туштыжо шуко. В. Соловьёв. И у марийского народа много разных смешных сказок, легенд, загадок.

Марий коклаште тӱрлӧ шомак, тушто, мыскара, тошто марийын ойлен кодымыжо, муро-влак моткоч шуко улыт. М. Шкетан. Среди марийцев очень много различных сказаний (букв. слов), загадок, юмора, преданий, песен.

Ужам, ватем мыйын туштем ыш умыло. А. Асаев. Вижу, моя жена не поняла моего намёка.

(Ачам) авамлан кодыш сугыньлан туштым: «Лавыран кудывече лювык шӱм гаяк. Кудывечыштет куштырам гына ит кушто». В. Колумб. Отец оставил моей матери в качестве завета иносказание: «Грязный двор – как нечистое сердце. Не давай вырасти у себя во дворе сорнякам».

Куланов кузе лекте, тугак йомо. Тиде вашлиймаш Мураловлан кугу тушто лие. А. Березин. Куланов как появился, так и исчез. Эта встреча для Муралова стала большой загадкой.

(Пычкемыш еҥ) осал вий дене умылтараш ямде пӱртӱсын тӱрлӧ туштыжым. «Ончыко» Тёмный человек готов объяснять различные загадки природы злыми силами.

Идиоматические выражения:

Тушто лияш находиться там;

теве тушто кояш виднеться вот там.

Кушто вичкыж, тушто кӱрлеш. Калыкмут. Где тонко, там и рвётся.

Мемнан омшаникна чаплын йӧнештарыме, тушто йӱштӧ огыл. «Ончыко» Наш омшаник хорошо приспособлен, в нём не холодно.

А тушто суд вара судитла. С. Чавайн. А там суд уже будет судить.

Сравни с:

Ачам кулак гын, мыйын тушто могай пашам уло? М. Шкетан. Если мой отец кулак, какое у меня дело до того (букв. там)?

Опто, опто, тыйын тушто сомылет уке, керек-мыняр лийже! Я. Ялкайн. Накладывай, накладывай, у тебя там дела нет, сколько бы ни было!

Могай тушто принцип! «Ончыко» Какой там принцип!

«Ну, мом тушто шонаш!» – мане Сакар шканже шке. С. Чавайн. «Ну, что там думать!» – сказал Сакар сам себе.

Ятыр мутланаш много разговаривать;

ятыр возаш много писать;

ятыр шулдешташ намного подешеветь.

Саскам ятыр погышнат, тарванална мӧҥгыш. «Ончыко» Собрав довольно много ягод, мы отправились домой.

(Мотор куэ), тений тый ятыр кушкынат, а вес ий эше утларак нӧлталтат. В. Иванов. Красивая берёза, ты нынче намного выросла, а в следующий год подрастёшь ещё больше.

Ятыр кӱкшырак намного выше;

ятыр ончыч толаш прийти намного раньше.

Эрдене ятыр йӱштӧ лиеш. С. Чавайн. Утром будет много холоднее.

Тушманын вийже мемнан деч ятыр кугу ыле. И. Ятманов. У врага силы было намного больше нашей.

Кече ятыр кӱшкӧ кӱзен. Н. Лекайн. Солнце поднялось довольно (букв. намного) высоко.

Сравни с:

Ятыр шонаш долго думать;

ятыр йоҥгаш долго звенеть.

Волгыжмешке, але ятыр вучаш. Е. Янгильдин. До рассвета ещё довольно долго ждать.

Самырык салтак-влак дене сайынрак палыме лияш манын, ятыр кутыркалаш, юватылаш логале. «Ончыко» Чтобы получше познакомиться с молодыми солдатами, пришлось долго беседовать, возиться (с ними).

Ятыр пушеҥге много деревьев;

ятыр тунемше много учеников;

ятыр шӱдӧ еҥ много сотен человек;

ятыр гана мияш приходить много раз;

ятыр жап много времени.

Тиде шучко кредалмашеш мемнан элын ятыр эргышт ден ӱдырышт шке илышыштым пуышт. И. Ятманов. В этой страшной битве отдали свою жизнь много сыновей и дочерей нашей родины.

Ятыр ий тыште иленам. О. Тыныш. Я довольно много лет жил здесь.

Ятырышт кызыт тиде фамилий денак коштыт. Н. Лекайн. Многие сейчас ходят с этой же фамилией.

Тушманын шуко танкшым верешак строй гыч луктыч, а ятырышт минеш пудештылаш тӱҥальыч. И. Ятманов. Много танков врага вывели из строя на месте же, а многие (танки) начали рваться на минах.

Сравни с:

Идиоматические выражения:

Кугун ит опто помногу не накладывай;

кугун ямдылаш приготовить в большом количестве;

кугун пурлаш откусывать помногу;

кугун шупшыкташ возить помногу.

Оксам кугун тӱлат. А. Эрыкан. И денег платят помногу.

Кугун вашталташ заметно измениться;

кугунторлаш значительно отдалиться;

кугунак ойыртемалташ значительно отличаться;

кугунак кушкаш заметно вырасти.

Ий кугун чыва – кинде кужу лиеш. Пале. Сосульки значительно вытягиваются в длину – хлеб хорошо пойдёт в рост.

Кугунжак шым умыло я не очень-то понял;

кугун тыршаш очень стараться;

кугунак ӱшанаш ок лий особо-то довериться пельзя;

ойлышаш кугун уке говорить особенно нечего.

– Кугун ит кычкыре! – Элвактын шойылно йот еҥ йӱк шоктыш. Э. Чопай. – Очень-то не ругайся! – за спиной Элвакте послышался голос чужого человека.

Йогор кугун ӧрын ок шого. Г. Ефруш. Йогор не очень-то теряется.

Сравни с:

Тарванылмет дене вуй пундаштет кугунрак налалте. М. Шкетан. Из-за твоего ёрзанья у тебя на темени отхвачено больше, чем следует.

Кеч-кӧнат казна ак деч кок пачаш кугун тӱлымыжӧ ок шу. Н. Лекайн. Никому не хочется платить вдвое больше государственной цены.

Сравни с:

Кугун юватылаш долго мешкать;

кугун ит сӧрвалтаре не заставляй долго упрашивать;

кугун вучыкташ заставлять долго ждать.

Кугун ракатланаш ыш логал. А. Асаев. Долго блаженствовать не пришлось.

Кугун шонаш жап шуко огыл. С. Чавайн. Времени немного, чтобы долго думать.

Шыжым мланде кугун кылмен огыл. Н. Лекайн. Осенью земля не очень сильно промёрзла.

Лӱдшӧ пий кугун опта. Калыкмут. Трусливая собака сильно лает.

Сравни с:

Афишеш кугун гына возен шынденыт. В. Косоротов. На афише написали крупно.

«Чодыра руышо» манын тыштыже кугун сералтын. Э. Чапай. Здесь большими буквами написано «Лесоруб».

Сравни с:

Кугун вурседыл налаш крупно поругаться;

кугунак йоҥылешташ довольно серьёзно ошибиться;

кугунак шоналташ верештеш придётся серьёзно подумать.

Доклад почеш кугун кутырышна. С. Николаев. После доклада серьёзно поговорили.

Кугун ит поч широко не открывай;

кугун шарлаш широко разлиться;

умшам кугун каралташ широко открыть рот.

Яший шинчажым кугун каралтыш. С. Чавайн. Яшай широко раскрыл глаза.

Мӱкш пурымо-лекме рожшым изин кода гын, теле йӱштӧ лиеш, кугун – леве. Пале. Если пчёлы свой леток оставляют узким – зима будет холодной, а широко – тёплой.

Промышленностьым кугун мобилизоватлаш кӱлеш. С. Чавайн. Нужно широко мобилизовать промышленность.

Ты историйым кугунак пален налаш ыш лий. Эту историю достаточно полно узнать не удалось.

Ачаже ден аваже кутыраш тӧчышт. Тудо (Эчан) кугун ыш каласкале. Н. Лекайн. Отец с матерью пытались поговорить. Эчан подробно не стал рассказывать.

Тений мемнан колхозын кинде кугун шочын. Г. Ефруш. У нашего колхоза в этом году хлеб богато уродился.

Ончычсо лум кугун возеш – кая, изин-изин – йӧршешлан. Пале. Первый снег выпадет толстым слоем – сойдёт, а если понемногу – то насовсем.

Кугун аклыметлан тау. Спасибо тебе, что высоко оценил.

Ешыже кугун ойгыра. Семья тяжело переживает.

Калыклан кӱлеш ойым ыштеда, сандене те пеш кугун тунемше улыда манын шонышым. Й. Осмин. Вы людям даёте необходимые советы,поэтому я думал, что вы разносторонне образованный.

Тулыш ӱйым кышкет гын, кугун веле ылыжеш. Калыкмут. Если подливать масло в огонь, то оно ещё сильнее загорается.

Кугун шӱлешташ тяжело и шумно дышать;

кугун шӱлалташ тяжело вздохнуть.

Гриша тугак мален ок керт, эре кугун шӱла, шӱлымӧ йӱкшӧ мыйынат омем кошта. «Ончыко» Гриша по-прежнему не может спать, постоянно тяжело дышит, его дыхание и у меня отгоняет сон.

Идиоматические выражения:

Шуко магал шонаш думать долгое время.

Тиде магалыште кӧ чакна лӱдын, илышыж ден кертеш чеверласен. В. Колумб. Со страху кто отступит в этот миг, со своею жизнью может распрощаться.

Сравни с:

Иван почеламутым мучко каласен пуа. А. Эрыкан. Иван полностью прочитал стихотворение.

Мучко тыгаяк лиеш гын, почеламут печатлашат йӧра ыле. М. Казаков. Если бы целиком было такое, то стихотворение можно было бы напечатать.

Блиндажыште мучко олымым шарыме. Е. Янгильдин. Блиндаж сплошь разостлан соломой.

Кавам мучко пыл леведын. Н. Лекайн. Небо сплошь заволокло тучами.

Урем мучко ошкылаш шагать по улице;

тошкалтыш мучко пӧрдын волаш скатиться по лестнице;

пӧрт мучко кошташ ходить по комнате;

ола мучко шарлаш распространиться по (всему) городу;

зал мучко йоҥгалташ разноситься по залу.

Эйнон пуракаҥше шӱргыжӧ мучко, шукш корно гайым коден, пӱжвӱд йога. В. Иванов. По пыльному лицу Эйно, оставляя извилистый след, стекает пот.

Йоча-шамыч, кужун юватылде, олык мучко шаланышт. К. Васин. Дети, не теряя времени, расходятся по лугам.

Тобик тыманмеш ер тӱр мучко кудале. М.-Азмекей. Тобик тотчас же побежал вдоль берега озера.

Сержант корно деч посна, вик, сайын палыме телефон линий мучко, каяш решитлыш. «Мар. ком.» Сержант решил идти не по дороге, а напрямик, вдоль хорошо знакомой телефонной линии.

Талук мучко круглый год;

урок мучко весь урок;

кеҥеж мучко всё лето;

ӱмыр мучко всю жизнь;

корно мучко шонаш думать всю дорогу.

Марий теле мучко ревым кочкеш. С. Чавайн. Мужик всю зиму ест репу.

Курым мучкет мыйым поро шомак дене шарнен илаш тӱҥалат. М. Иванов. Ты весь свой век будешь вспоминать меня добрыми словами.

Цех мучко станок-влак по всему цеху станки;

район мучко шараш распространить по всему району.

Кандалге кава мучко лаштык пыл огеш кой. О. Шабдар. По всему голубому небу не видно ни облачка.

Книга мучко тыгай верым шуко муаш лиеш. М. Казаков. По всей книге можно найти много таких мест.

Идиоматические выражения:

Толаш сӧраш обещать прийти;

шуко сӧраш много обещать;

ышташ сӧраш обещать сделать.

Ужаташыже сӧрышым, а мутем шым шукто. П. Корнилов. Проводить-то я обещал, а слова своего не сдержал.

Колы­меш йӧратен илашак сӧренна ыле коктын. Г. Микай. Мы вдвоём по­клялись жить в любви до гроба.

Эчан поян-влакым йӧршын шудал пытарыш, шкенжымат вурсыш. Тылеч вара аҥашкыжат миен тошка­лаш ыш сӧрӧ. Н. Лекайн. Эчан вконец осыпал проклятиями богатеев, и себя обругал. После того поклялся вовсе не ходить на полосу (поля).

Сравни с:

Пиалым сӧраш пожелать счастья;

поро эрым сӧраш пожелать доброго утра.

Ваш-ваш тамле омым сӧрен, чыланат малаш вочна. М.-Азмекей. Пожелав друг другу сладких снов, мы все улеглись спать.

Ка­торгым сӧраш грозить каторгой;

поктен лукташ сӧраш грозиться выгнать.

Семон кугыза пычалышке шинчалым шӱшкын, озымышко миен шинчаш сӧра. М. Иванов. Дед Семон грозится, зарядив ружьё солью, устроить засаду на озими.

Алёша нимом ыштен ыш керт да иктаж-кунам ӱчым шукташ сӧрыш. «Ончыко» Алёша ничего не смог сделать и грозился когда-нибудь отомстить.

(Учёный) калыкемлан вашке колымашым сӧрен. М. Казаков. Учёный предрекал моему на­роду близкое исчезновение.

Таче мый колынам куку мурым, кужу ӱмырым тудо сӧра. А. Бик. Сегодня я слышал кукованье кукушки, долгую жизнь она предсказывает.

– Мый шке поянлыкем шукертак сӧрен пыштенам. – Вара... секрет огыл гын... кӧн лӱмеш сӧренда? В. Косоротов. – Я своё богатство уже давно завещала. – Тогда... если не секрет... на чьё имя завещали?

Каче кая ӱдырым сӧраш. Жених идёт сватать невесту.

Ӱдырым рвезылан кокымшо ватеш нигунам огыт сӧрӧ. К. Коршунов. Девушку никогда не сватают в качестве второй жены.

Сравни с:

(Матра:) Нени акам Пызеҥер тумылан сӧраш кӱлеш, манеш. (Савлий:) Тудлан сӧрен могай пайдаже? М. Шкетан. (Матра:) Тётка Нени говорит, что надо просить и обе­щать дубу близ Пызенгера. (Савлий:) Какая польза просить и обе­щать ему?

Памаш деке черле еҥ-шамыч сӧраш коштыныт. МФЭ. К роднику ходили просить (с обещанием принести жертву) больные люди.

Казаньышты мӹнь икта вӓре тыменяш пыраш сӧрем. Н. Игнатьев. В Казани я думаю куда-либо поступить учиться.

Сравни с:

Мардеж талышна, порым огеш сӧрӧ. М. Иванов. Ветер усиливается, не предвещает добра.

Ояр лияш сӧра. С. Вишневский. (Погода) обе­щает быть ясной.

(Ольга кува) оҥайым верештын, шыпланен, шуко жап тымыкын шинчыш, тӱрвым тарватыл лудо. «Мар. ком.» Дойдя до интересного места, притихнув, старуха Ольга долгое время сидела безмолвно, читала, шевеля губами.

Сравни с:

Тыглай ончымаште, тиде ялыште еҥ-влак тымыкын илат манын, шонаш лиеш. Н. Лекайн. С виду кажется, что люди в этой деревне живут мирно.

Ожно тымыкын илыше Кӱварвуйыш шӱдӧ дене пашазе погыненыт. Э. Чапай. В деревню Кюварвуй, жившую прежде спокойно, собрались сотни рабочих.

Сравни с:

Вӱд деч тымыкын тише воды.

Зорин тиде кечын шкенжым тымыкын кучен кертын огыл. Н. Лекайн. В этот день Зорин не мог вести себя сдержанно.

Сравни с:

– Ынде «Эреҥер» лӱман кугу повестьым возем. М. Шкетан. – В настоящее время пишу большую повесть под названием «Эренгер».

– Мый ынде чыла умылышым, – эркынрак да ӱҥышын пелештыш Гриша. Н. Потапов. – Теперь я всё понял, – тихо и печально промолвил Гриша.

Ынде, шуко орлык ужын коштмекыже, Сакар шонаш тунемын. С. Чавайн. Теперь Сакар, когда перенёс много страданий, научился думать.

«Ямде лий!» газетыште ынде кок гана мый дечем йодын серымыдам лудым. М. Шкетан. Уже два раза я читал в газете «Ямде лий!» ваши вопросы ко мне.

Апшатлан ынде ятыр ий годсек Юран кочаже, Алексей Терентьевич, ышта. В. Сапаев. Уже много лет работает кузнецом дед Юры, Алексей Терентьевич.

Эх, Салика, кунам ынде тыйым ужам? Я. Ялкайн. Эх, Салика, когда же (букв. когда теперь) я тебя увижу?

Идиоматические выражения: